تسوّق اجمع اشحن
خذ عنوانك الخاص بمخزن أوبلكس بالصين واشتري من أي محل تريده. نجمع طلباتك بمكان واحد ونشحنها إلك جوي أو بحري، وتتابعها خطوة بخطوة من التطبيق.
خدمات أوبلكس
اختار حسب طلبك: تجمع من أكثر من محل، تشتري بالرابط، تشحن بضاعة جاهزة، أو ترسل بريد سريع.
لأصحاب البيجات واللي يشترون من أكثر من محل
تاخذ رقم وعنوان خاص بيك بمخزن أوبلكس بالصين. كل مشترياتك توصل للمخزن، تشوفها وتسجلها بحسابك، وتتجمع وتنشحن سوا.
لگيت غرض وما تعرف شلون تشتريه؟
دز رابط المنتج من خدمة PerLink بالتطبيق، وأوبلكس يتواصل ويه البايع ويكمل الدفع، والغرض يوصلك ويه شحنتك.
بضاعتك جاهزة عند مورد واحد
بدون تجميع. تعبّي بيانات الشحنة بالتطبيق، تنزّل الملصق وتدزه للمورد، وهو يلصقه على كل كرتون ويرسلها للعنوان.
مستندات وطرود من وإلى العراق
إرسال واستلام من دول العالم خلال 72 ساعة. تحسب السعر بالتطبيق، تضيف الشحنة، والفريق يتواصل وياك وقت الدوام حتى يستلمها.
الرسوم ما تشمل الجمارك والضرائب، ويُسمح بس بالمواد المصرّح بها.
اسألنا بالواتسابشلون يشتغل الباوج
من تسجّل بالتطبيق تاخذ رقم معرّف خاص بيك، وعنوانين بالصين: واحد للجوي وواحد للبحري، وتنسخهم بضغطة وحدة.
حط عنوان أوبلكس ورقمك بطلبك، سواء تشتري من موقع أو من محل. كل طلب يوصل للمخزن باسمك، وتشوفه بحسابك.
طلباتك من أكثر من محل تتجمع بباوج واحد لمدة تصل إلى 8 أيام. وكل غرض ينلصق عليه باركود برقمك حتى ما يضيع شي.
الجوي بالكيلو والبحري بالمتر المكعب، وسعر اليوم موجود بالتطبيق. وإذا كل بضاعتك من مورد واحد، تختار النقل المباشر بدون تجميع.
من تطلع شحنتك من الصين لحد ما توصل مقر الشركة بالعراق، تتابع كل مرحلة من داخل التطبيق.
إذا عندك بيج أو متجر
ضيف اسم الزبون وعنوانه ورقمه لكل منتج، وبكاميرا الموبايل توصل لبياناته بسرعة لما توصل البضاعة.
ملصق QR أو باركود ينلصق على بضاعتك، فما تضيع بين الشحنات.
سعر الكيلو بالجوي وسعر المتر المكعب بالبحري، يتحدث يومياً.
عنوان للجوي وعنوان للبحري، تنسخه وتلصقه بطلبك مباشرة.
تسجّل اسم المنتج وعدده ونوعه، وتتابع مواعيد الوصول، وتعرف شوكت تسكّر الباوج.
حاسبة الوزن الحجمي
بالشحن الجوي، إذا حجم الكرتون كبير نسبة لوزنه، ينحسب عليك الوزن الحجمي حسب المعادلة الدولية:
الطول × العرض × الارتفاع ÷ 6000
أسئلة شائعة
ما لگيت جوابك؟ راسلنا واتساب.
مساحة تجميع خاصة بيك بمخزن أوبلكس بالصين. تاخذ عنوان ورقم خاصين، وتستخدمهم بكل طلب. المشتريات توصل للمخزن وتتجمع، وبعدين تنشحن سوا.
لمدة تصل إلى 8 أيام، وبعدها يتسكّر تلقائياً ويبدي الشحن. وتكدر تسكّره بنفسك بعد 3 أيام أو أكثر من أيقونة الساعة بالتطبيق.
1$ لأول 10 قطع بالباوج.
بالجوي أقل وزن 1 كغم، وبالبحري أقل حجم 0.1 متر مكعب.
سعر الكيلو بالجوي وسعر المتر المكعب بالبحري ينزلون يومياً بالتطبيق.
إذا كل بضاعتك من مورد واحد، النقل المباشر أنسب. وإذا طلباتك من أكثر من محل، استخدم الباوج حتى تتجمع.
لا، رسوم البريد الدولي السريع ما تشمل الجمارك والضرائب.
التسجيل من التطبيق. تحتاج رقم موبايل شغّال وعليه واتساب.
